(روهي ـ ۱۳۹۶لمریز، کب ۲۳مه) د جرمني صدراعظمه اغلې انګلا میرکل د څلورمې دورې لپاره هم د دې هېواد د صدراعظمه وټاکل شوه.
نن د دغه هېواد د پارلمان استازو هغې ته رایه ورکړه.
راپورونه وايي، چې نوموړې به نن په برلین کې د ولسمشر فرنک والټر شټاین مایر په دفتر کې لوړه وکړي.
د جرمني پارلمان په دې پرېکړې سره، د جرمنې د څو میاشتو سیاسي لانجه پای ته ورسېده.
هلته د جرمني چپ لاسی سوسیال ډموکراټ ګوند هم انګلا میرکل سره ملاتړ اعلان کړی دی.
