د افغان ملي لوبډلې چپ لاسی توپوهونکی نجیب ځډراڼ او دوه نور افغان لوبغاړي تردې دمه د بنګله دېش د کورني کرېکټ په غوره لیګ کې اخیستل شوي دي.
د بنګله دېش د غوره لیګ، چیټاګانګ ویکینګز لوبډلې پر خپله فېسبوک پاڼه لیکلی، نجیب ځدراڼ به د دوی په لوبډله کې لوبه وکړي.
نجیب ځدراڼ ۲۵ کاله عمر لري، په چپ لوري توپوهنه کوي، د لوبې منځ کې توپوهونې ته راځي او په ښي لاس اف بریک توپ اچونه کوي.
سمیع الله شینواری او زهیرخان په بيپي ایل سیالیو کې د رانګپور رایډرز لوبډلې له خوا پېرل شوي دي.
د بنګله دېش غوره لیګ سیالۍ په ۲۰۱۲ کال کې پیل شوې چې د ۲۰۱۷ کال سیالۍ به یې د راتلونکې نومبر میاشتې په دویمه پیل او د همدې میاشتې تر پایه به دوام وکړي.
