د کرېکټ شپږیزه لیګ په دولسمه لوبه کې میس عینک لوبډلې خپلې سیالې لوبډلې کابلبازانو ته په ۲ ویکټو ماتې ورکړه.
د لوبې پچه میس عینک لوبډلې وګټله او کابلبازانو ته یې د توپوهنې بلنه ور کړه.
کابلبازانو لوبډلې په ټاکلو شلو اورونو کې د ۸ لوبغاړو په سوځېدو ۱۴۷ منډې هدف ور کړ.
میس عینک لوبډلې وکولای شول ور کړل شوی هدف د نولسم اور په وروستي توپ پوره کړي.
د شپږیزه په پنځم پړاو کې د شپږو لوبډلو له لوري ټولټال ۱۸ لوبې تر سره کېږي چې پنځلس یې عادي، دوه یې نیمه پایلوبې او د سپټمبر په ۲۲مه به یې پایلوبه تر سره شي.
د لوبې غوره لوبغاړی دولت ځډران وټاکل شو.
نوموړي د میس لوبډلې لپاره د سیالې لوبډلې درې لوبغاړي وسوځول او په ۱۰ توپونو یې ۲۷ منډې وکړې، او د شپږیزه لیګ دولسمه لوبه د سپین زمریانو او کابلبازانو لوبډلې ترمنځ پیلېدونکې ده
