د انسان ريښتینې ښکلا د هغه په ښو اخلاقو، مینې، ورورولۍ او یوالي کې ده او پرته له دې څخه انسان ښکلی نه بلکې بدرنګ دی.
ښه اخلاق هغه څه دي، چې شتون یې یوه انسان ته د نورو د ارزښت ورکولو او منلو لامل ګرځي. پرته له غوره اخلاقو هېڅوک نشي کولای چې د نورو په زړونو کې ځای ومومي.
مینه هم له غوره اخلاقو سره تړلې مسئله ده، که مینه شتون ونه لري، نو غوره اخلاق هم شتون نه لري او که مینه شتون ولري، نو غوره اخلاق او غوره چلند به هم وي.
مینه هغه څه ده، چې په غوره اخلاقو رامنځته کېږي، که د مخامخ لوري یا د یو چا مینه او اخلاص غواړئ، نو هڅه وکړئ تر څو پر وړاندې یې له مینې ډک چلند او ښکلي اخلاق غوره کړئ.
ورورولي او یوالی هم له دې مسئلې سره تړلې خبره ده. ورورولي او یوالی هغه څه دي، چې شتون یې خورا بریالۍ پایلې لري.
ورورولي او یوالی د انسان هغه ښکلا ده، چې د هر اړخیزې ښېرازۍ لامل یې ګرځي. هر میلت په ورورولۍ او یوالي سره بریالی میلت بلل کېږي پرته له یوالي او ورورولۍ څخه هېڅ کوم میلت نشي کولای بریالی، مثبت او خپلواک واوسي.
هغه څوک چې بریالي، مثبت او خپلواک وي، نو په اصل کې دوی له ريښتینې ښکلا څخه برخمن دي.
ښه اخلاق، مینه، ورورولي او یوالی د انسانانو تر ټولو ستره او غوره ښکلا ده.
