د ګل مخ باندې اوده ښكلوكې څوك دى؟
د ښايست په لباس پټ پستوكى څوك دى؟
شغلې هم په سپينو شونډو ترينه مۍ څښي
دا د مستو ميو مست ډنډوكى څوك دى؟
دا د غوڅ زړګي پرهار باندې چې پښې ږدي
د غرور په لار روان مستو كى څوك دى؟
روح مې پروت د عزرائيل جانان په دركې
خلك وايي دا ماشوم وړوكى څوك دى؟
د مخ پړك يې د نښترو څڼې ښكل كړې
د كنډو پر سر ولاړ سپينوكې څوك دى؟
واه نظر له مې خورا شيرين شيرين شو
اى جلانه! د ګبين كنډوكې څوك دى؟
سيدجيلاني جلان
