چې په ژوند مې ميلمنې دي د هجران شپې
د يقــين پـــه اوږو وړمـــه د ګـــومـــــان شپې
چـــې دې مـــړاوو کشمـــالــــو فصل تازه شي
خداى دې راولــــــي په کلـــــي د باران شپــې
د سبا غوټۍ په لار کـــــې ورته شنې شوې
د آرمــــان په لارويـون کـړي د آرمان شپـــې
د ازل غشــــــي وريږي لـــــه آسمـــــــــانـــــــه
لــه ماشومې هوسۍ تښتي دبيابان شپې
رانـــــــه وړى د بيلتـــــــون خړو سيليــــــو
چېرته چېرته بـــه تېريږي د جانان شپــــې
غبرګې شمعې دې له سترګونه لوګـــى شه
د ځوانۍ په خوب لاهو کړې د هر ځوان شپې
د سپوژمۍ پېغلې سپيدوته خولګۍ ورکړه
درنـــــه لاړلــــې د ستـــــورو دکـــاروان شپــــې
(( رحمـــاني)) درنه سکون د توبو غواړي
ستا په مخ کې يې اودې دي د ايمان شپې
٨/٢/١٣٨٢
