د ښكاري نظـــــــر د تـــورو غشو ښكاريو
د دردو پـــــه څېــــــر په سرو پرهارو بار يو
څو سيكې ستا د مسكا لرو په زړو كې
شكر سختې غريبۍ كې هم مالدار يـــو
موږ ساده يو خو په خپله سادګۍ كـــې
د شړيو د تارو په څـــــېر ګلـــــدار يـــــو
مه مو وژنه د ښايست مور به كړې بوره
مونږ بچوڼي د سپرليـــــــو د سردار يـــو
په تڼاكـــــــو پښو په كاڼو په ازغيـــــــــــو
رسيدلي د سپينچكو تر بازار يــــــــــو
د ديدن وړانګين لاسونه را اوږده كړه
د ارمــــــــان په ګړنګونو كې ايسار يو
د ګلپاڼـــو په اټن پســــې جـــــــلانــــــه !
ليوني يــــو خپلو زړو نه راګوزار يو
سيدجيلاني جلان
يادونه! دغه غزل د ګلپاڼو اتڼ له کتاب څخه راخيستل شوي دى
