عجب کيفيت لــــري دا زړونه ځکــــــــه زر پټـــــوي
خوږو ليمو کې چې ګل دښت ګل دښت نظر پټوي
خېر دی که کــــــــېناستم د ستا د لوپټې سيوري ته
واورې هم کله کله غېږو کـــــې سپين غر پټــــــــــوي
خوله يې په پښو کې ده په يو چړپ زر هيندارې ژويي
اوس د جـــوهـــــرو پسرلـــــي يــــــو جادوګـــــر پټـــــوي
وژني مې ګام په ګام خو بيا هم مينه ناک دی جانان
د سندرغــــــاړي سل عيبونــــــــــــــــه يو هــــــنر پټوي
کاږه شکست کــــــــــې جلان تمــــــه د ژوندون نلري
بيړۍ چـــــــې ماته شــــــي ضرور يې سمندر پټـــوي
سيدجيلاني جلان
يادونه ! دغه غزل د ګلپاڼو اتڼ له کتاب څخه راخيستل شوى دى
