مه راځه اختره دلته ټول ښکلــــــي بې قدره دي
سوي په بمونو د افغان کلــــــــــــي بې قدره دي
اوس ئې سـيلانيان هم د ليدلــو ارمان نه لـــــري
هغه د وياړونو دنګ ولاړ څلــــــــي بې قدره دي
څوک ئې د غیرت او حماســــو کارنامې نه لولي
څومــره شملور مو په د لار تللــــــي بې قدره دي
غیرتي پېغلــــو موپه بل وطن کـــې خیر غوښتی
تور باڼه ئې ځکه لکـــــــه تور خلـــــــي بې قدره دي
«ځــدراڼه» دوی يې لحدونه هم د زرو جوړ کړل
زمونږه مېړاني يې له قبرو کښلــــي بې قدره دي
ولايت خان ځدراڼ
