ډالۍ
ما درکړی زړه د مينې قلم داد کې
چې د خپل حسن تعمير په کې اباد کې
تل په دغه تمنا زما ژوندون دی
چې خاطر زما د فخر مېلمستون دی
دغه ما زده کړی ستا د عشق سودا کې
چې د خپل حسن تعمير په کې اباد کې
چې طلب مې د اجل د ټوپک وار شو
څله اوږد دا ستا د رحم استغفار شو
هسې هم نشته تاثير زما فرياد کې
چې د خپل حسن تعمير په کې اباد کې
چې په زړه زما راغلې دا ستا مينه
مسير چېرته بدلومه نازنينه
ما شمېرلی ځان د قتل په تعداد کې
چې د خپل حسن تعمير په کې اباد کې
منکسرې لارې نشته محبت کې
تل تاکيد زما په دغه نصيحت کې
زه به څه وايم تورياله د خدای داد کې
چې د خپل حسن تعمير په کې اباد کې
توريالی هېروون
