کاشکی کاشکې ماشومتوب وای، چې زانګو کې زنګېدلای وای کاشکې مې ځواني وای، چې ژوندون رنګين تېر شوای وای کاشکې مې جانان وای، چې په زړه کې یې ساتلای وای کاشکې چې افتاب وای، چې صنم مې ښه لیدلای وای کاشکې پیوستون وای، چې مې اشنا سره کتلای وای کاشکې راسره وای، چې په زلفو یې لوبېدلای وای کاشکې زه امېل وای، چې په غاړه یې تړلای وای کاشکې زه رانجه وای، چې جانان په سترګو کړای وای کاشکې زه شبنم وای، چې له ګل سره تړلای وای کاشکې زه پتنګ وای، چې په شمعه سوزېدلای وای کاشکې چې باران وای، چې کشتۍ په کې تللای وای کاشکې چې ګډۍ وای، د ماشوم کور یې جوړ کړای وای کاشکې چې ژوندون وای، چې ابد په کې نغښتلای وای کاشکې خیالي خوب وای، چې ((هلمند)) پکې تللای وای .
