افغان جهادی مشران د کاپیټلیزم په غیږ کی !

دا کوم بهتان نه دی چی زه یی وایم ، او نه زما د خيټی خبری دی چی زه یی لیکم .
د بیلګی په توګه غواړم ووایم زموږ هغه پروني جهادی مشران  چی پرون یی د خپل سنګر نه د جهاد ناره د شوروی اتحاد په وړاندی پورته کړی وه ، او د هغوی له وتلو وروسته یی د همغه وخت د دولت په مقابل کی کی هم همغه لار غوره کړی وه دروغ وخته !!! 
دا ځکه چی دوی د ملی ګټو په خاطر نه بلکه د شخصی اهدافو لپاره د غرب د کاپیټلیزم فلسفی صدقه شول ، او نن هم په همغه لار روان دی .
که موږ چیری د تیری جهادی دوري حمایه کونکو هیوادونو لست ته یو ځغلنده نظر وکړو ، په اوله کتګوری کښی به تر ټولو لوی سپانسر ( حمایه کونکی ) به د جهان ستر کاپیټالیستي هیواد د امریکا متحده ایالات وی ، او ورپیسی به د نورو اوروپایی هیوادونه هم په دغه لیست کی تر سترګو شی ، او دا ټولی مرستی او صدقی د افغان وژنی لپاره د عربی اسلامی مملکتونو له مرجع د پاکستان د استخبارتی قراردادیانو له خوا افغان جهادی مشرانو ته رسیدلی دی .
جهاد ډیره مقدسه کلمه ده ، مګر زموږ بی علمه جهادی مشرانو تری سوی استفاده وکړه ، جهاد یی د افغان د وینو ، بربادیو ، بی عزتیو او رنګارنګو ناورینونو په مقابل کی د غرب دکاپیټلیزم له سره قربان  کړو .مګر ډیره د افسوس خبره دا ده چی دوی هیڅکله هم په خپلو تیروتنو اکتفآ ونه کړه  ، بلکی د افغان د وینو تجارت یی همداسی روان وساتلو . 
خو دلته دا یوه خبره روښانه ده ، چی تاریخ د هیچا په وړاندی چوپ نه پاتی کیږی ، او د هر سالار څیره به  رسوا کوی .
دا یو حقیقت دی چی پردیو استخبارتی  کړیو  د خپلو ملی ګټو په خاطر زموږ په خاوره کی د خپل راتلونکی سیاسی تجارتی بقا په  غرض زموږخونی په کنډوالو رابدلی کړی ، خو دا بی چاره (  بی معلوماتو ،  د جهان د سیاسی او استخبارتی لوبو نه بی خبره مشران )  یا خو لا تر اوسه نه پوهیږی ، او یا خو یی د افغان د وینو په تویولو کی  خپلی ګټی خوندی وینی .
افغان اولس اوس  باید  په  دی  پوه شی  چی دا خرڅ شوی او خودغرضه مشران   کوم چی پرون هم د کرنیل امام ، بابر ، حمید ګل ، ګاری شروین ، ټاچر ، بی نظیره او ډیرو نور چی دلته  د ټولو نومونو ذکر کول به ډیر وخت ونیسی  ، دوی پرون هم د هغو ملګري  وو  او نن هم د هغمی لارې  لارویان دی   ، دا د افغانستان او د افغان اولس په خیر نه دی . 
ځکه چی دوی هغه که په دولت کی دننه دی او هغه که له دولته بهر دی ، پردۍ ټوپک یی په لاس کی دی ،  او زموږ  سینی ته یی مخامخ نیولی  دی   .
دغه ښاغلی  ټول د غرب د اقتصادی سیاست تر تاثیر لاندی دی . 
نو ځکه ټولو وطن پرستو  افغانانو ته دا په کار ده   چی دوی باید په ځوانه طبقه باندی کار وکړی ، ځکه چی ځوانه  طبقه لا تر اوسه په داسی مسایل کښی ښکیله نه ده چی هغه د راتلونکی لپاره خطر وی ، خو که چیری موږ دا ګام په خپل وخت وا نه خلو ، دا به هم د پردو لاس پوڅی شی  لکه څنګه چی زموږ ننی مشران  هغه چی د پرون ورځی ځوانان و ، نن د وطن او د اولس لپاره په یوه ناورین بدل شوی دی .
زما په اند په اوسنی حالتو کی د ځوان نسل نه بل بدیل نشته چی دا خلا د ډکه کړی .