د بهر میشتي افغان محصل غږ

څه موده وړاندی پرلپسی مرګونی پیښی چی ډیری دردونکی وی د ټولو افغانانو لپاره هغه دا چه په ځینو بهرنیو هیوادونو لکه ترکیه ،هندوستان او همدارنګه پاکستان کی زموږ د وطن اینده جوړونکی افغان محصلین د مرګ تر پولو ورسیدل او لا هم ورسره لاس او ګریوان دی چي ژوندی مثالونه یی  ..:                                                                                                        
زما نږدی دوست شهید عبد الهادی ( فتاح)چه د پاکستان په کویټه ښار کی په داسی مهال کی چی پوهنتون ته پر لار وو د بمی چاودني ښکار شو همدارنګه څو ورځی وړاندی په هندوستان کی د حفیظ الله (ستوری) پنوم بل افغان محصل په یو ترافیکی پيښه کی ءوند دلاسه ورکړ او په ترکیه کی هم دری تنو افغان محصلینو د ګازو دمسمومیت له کبله خپل ژوند دلاسه ورکړ.                            
ددی ټولو پیښو مسولیت د افغانستان د حکومت ده په خاص ډول بهرنیو چارو وزارت دا ځکه چه د کوم هیواد سره چی د زده کړی په برخه کی کوم تړون کوی په هغه کی نړیوال قوانین په نظر کی نه نیول کیږی او که وی نو بیا به پوره ډول نه عملی کیږی کوم چی د یو بهرمیشتي محصل لپاره لازم او ضرور دی د مثال په ډول                                                                                   
۱ـ محصل ته د پیسو ورکول په معین وخت سره                                                                                                
۲ـ د محصل د اوسیدو ځاي                                                                                                                         
۳ـ د پوهنتون داخله او هم د ترانسپورت یا تلو راتلو وسیله او ځینی نور مهم شیان .......                                                  
کومو هیوادونو ته چه افغان محصلین لیږل کیږی او یا هم لیږل شوی دی د هغوی د سرنوشت په اړه د افغانستان دولت په پوره ډول ناخبره ده او ددغو افغان محصلینو ټول واک اواختیار د همغه هیواد په لاس کی وی چه په کوم کی ورته د زده کړو زمینه برابره سوی ده .                                                                                                                                         
د محصل کـــــــــورنی دی ته خوشحاله وی چه ځوی یی ددولت لخوا بهرنی هیواد ته د تعلیم کولو لپاره لیږل کیږی نو حتمآ به ورته دژوند ټولي اسا نتیاوی برابری سوی وی مګر داسی نده ددی برعکس د افغانستان دولت ددی نه پوره خبر نده چه څومره افغان محصلین په کومو هیوادونو کي ،په کومو برخو کی او په کومو پوهنځیو کی په زده کړو بوخت دي .                                
خو بیا هم ددي ټولو سختیــــو او مشکلاتو جبرانوونکی همدغه بی وسه بی کسه مسافر افغان محصل ده چي په ډیرو سختیو او بدبختیو سره کامیاب سوی او بهرنی هیواد ته د تعلیم لپاره راغلي ده د زده کړی تر څنګ د ډیرو کړاوونو سره په مقابله کی وی خو خپلی کورني ته د دی پر یشانـیو د ویلو نه ډډه کوی او نه غواړی چی کورنی یی پریشانه سی .                                               
د افغانستان حکومت په سترګو وړوند، په غوږو کوڼ ، په ژبه ګونګی او په پښو باندی ګوزڼ وهلی ده هغه ځکه چه په بهرنیو هیوادونو کی چی د افغانستان کوم نماینده ګان دی هغه داسی خودغرضه ، متعصب ،بی پروا او ډارن خلک دی چه د سفارت او یا هم د نماینده ګی نه بیرون ته نسي راوتلای او که راوځی هم نو د هغوی په خبرو کی دومره وزن نسته چی څوک ورته غوږ کیږدی او یا یی کومه خبره چارواکی عملی کړی دا ټول نماینده ګان ددی لپاره ناست دی چه بچیان یی ښه تعلیم حاصل کړی ، ښه موټر کی وګرځی او شاپنګ ته پکی لاړ سی او یا هم په سرینا هوټل او یا کوم بل (وي اي پي) هوټل کی د خپلی کورنی سره یو ماښامي وکړی ددی لپاره ندی چه د یو مسافر افغان محصل پوښتنه وکړی او هغه ته ورپیښ مشکلا ت حل کړی.                                   
دغه کومی دردونکی پیښی چه رامنځ ته سوی دی او یا هم رامنځ ته کیږی که څه هم پخپله د محصلینو د بی احتیاطی له امله دی نو تر ډیره بریده د بهرنیو چارو وزارت پړ ده ځکه چه نا اهله کسان یی په بهرنیو هیوادونوکی نماینده ګان  ټا کلی دی او د محصلینو نه ځان نسی خبرولای .                                                                                                                         
زه په دی باندی ډیر افسوس کوم چه یوه کورني په دی سختو حالاتو کی د ډیرو مشکلاتو په ګاللو سره خپل اولاد لوی کړی او د دی جوګه یی وګرځوی چه لوړی زده کړی وکړی او د ګران وطن افغانستان او د ځورید لو افغانانو د دردونو لپاره دوا اد د خدمت مصدر وګرځي خو په پایله کی د یو څو بی پروا او بی غیرته کسانو د بی پروایی له امله محصل خپل خوږ عمر دلاسه ورکړی او د خپلی کورني او ګران هیواد افغانستان  هغه ټول ارما نونه په سیند لا هو کړی   چی کوم یی په زړه کی ورته درلودل
خو بیا هم ددبی شهید انو او ځوانیمرګو افغان محصلینو ویني به رنګ راوړی او زموږ کنډ ر کنډ ر وطن به ابادیږی او د سولی او رڼا په لو ر به ګام اخلی او اخیستي یی دي تر څو د نړی د هیوادونو سره ګران هیواد افغانستان سیال او براریږ سي .      
زه ډیر هیله مند یم چه د افغانستان حکومت په خاص ډول د بهرنیو چارو وزارت ژر تر ژره د ټولو بهر میشته افغان محصلینو پوښتنه وکړی او د هغوی ټول مشکلات او غوښتنی پر ځای کړی تر څو د نوروداسی ناوړه پیښو نه مخنیوی وسي که نه لیری نه ده چی نور ډیری محصلین به د مرګ تر کندی ورسیږی او افغانستان به همداسی د جهالت او ناپوهی په ډګر پاتی سی  .
 
 
لیکوال :                                                                                                                          امداد الله  (احمدزی)
( افغان بهر میشتي د اقتصاد د پوهنځي د اخري کال محصل )                                       .