د مبارک لوی اختر د مبارکۍ پيغاماوپه لندن کې داختر لمانځه ته خبرتيا! په بريتانيا کې د مېشتو افغانانو ټولنه د سپېڅلي لوی اختر په مناسبت ټولو لروبرو او په نړۍ کې خوَرو افغانانو، په بريتانيا کې اوسيدونکو وطنوالو او د نړۍ يونيم مِليارد مُسلمانانو ته مُبارکي وايي .د ټولنی رهبري هيئت تاسو ټولو قدرمنو ته بيا خواست کوي چې د قـُربانيو د دې لوی اختر د مُبارک لمانځه په پای کې زموږ په محبوب تاريخي هېواد افغانستان کې ددې روان ملت وژونکي اوږده وحشي جنګ او نيواک د ختم، د پرديو د ورانوونکو دسيسو د شنډوَلو، زموږ د تاريخي پراخ هېواد د سرتاسري مِلي وحدت او ډېر مُستحکم، ډېر زورور اوډېر عادِل او قانونسالار مرکزي حاکميت د تائمين او ولسي ښېرازۍ دپاره دُعا وکړئ .د اختر لمونځ د اکټوبر په شپږويشتمه نېټه ، د جمعې په ورځ ، د ګهيځ په لسوبجو، د پخوا په څېر، د ټولنیِ په مرکز کې ترسره کيږي .تر لمانځه، دُعاوو او مُبارکيو وروسته د ځوانانو د مېلو،ساتېريو او افغاني اتڼونو دپاره وخت او ځای په پام کې نيول شوي دي .دټولنیِ پته : West Acton Community CentreChurchill GardensLondon W3 0JN02089932129 & 02089938168 سيدجان کاروانيپه بريتانيا کې د مېشتو افغانانو د ټولنیِ مشر
