د ملي امنيت رييس ښايي له دندې لرې شي

داسې ګونګسې دي، چې ښايي دملي امنيت رييس رحمت الله نبيل له دندې لرې شي او پر ځای يې د سرحداتو وزير اسدالله خالد وټاکل شي. ويل کېږي چې د نبيل د لرې کولو علت له يوې خوا په وروستيو وختو کې د امنيتي وضعيت خرابوالی دی، خو تر هغې مهم علت يې دا دی چې نوموړی د ملي امنيت په اداره کې د اساسي اصلاحاتو په راوستو کې پاتې راغلی دی. له ده څخه تمه کېده چې د ملي امنيت په اداره کې تنظيمواکي او قومي نا انډولي له منځه يوسي او پر ځای يې يوه متخصصه او مسلکي اداره جوړه کړي.