ولسمشر کرزي ته د فاسدو لوړپوړو چارواکو ليست

 
د شیکاګو او د توکیو د کنفرانسونو څخه وروسته جناب کرزی صاحب تاسی د فساد پر ضد د مبارزی آواز په لوړغږ اوچت کړ او خلکو ته د وعده ورکړه چه نوره د مصلحتونو لاره پریږدم او د فساد پر ضد په مبارزه کی د جدیت څخه کار اخلم.
محترم کرزی صاحب:
مونږ تاسی ته وایو چه راشه اول د فساد سره مبارزه د خپل ارګ نه یی شوروع کړه، د خپل نغري نه یی شوروع کړه، د خپل ځان نه یی شوروع کړه، د خپل معاونانو نه یی شوروع کړه، د خپلی کابینی نه یی شوروع کړه او بلاخره دخپلو والیانو نه یی شوروع کړه.
نن ورځ په فساد کی غرق  لوړپوړی چارواکی هر افغان ته معلوم دي او هر یوه یی دوسیه په څارنوالۍ کی لري.
څارنوالانو او پولیسو خوارانو خو خپلی هلی ځلی تر څارنوالۍ او محکمی رسولي دي، خو دا چه بیا تاسی جناب او یا بل لوړ پوړی قدرتمند سړی مداخلی پکی کړي دي او دوسیی مو ارشیف ته سپارلي دی هغه بیلی خبری دي.
جناب کرزی صاحب:
د افغانستان ملت د ستاسی د فساد پر ضد مبارزه کی بی باوره دی او دا فکر لري چه هسی دا یو تبلیغاتي شعار دی او بیا به د ستاسی مصلحتونه وي.
که ریښتینی مبارزه د فساد پر ضد غواړی نو دغه لیست چه د امریکی له سفارته په لاس راغلی دی او د امریکی د دیپلومات له قوله چه ۸۰٪ ددغه لیست دوسیی په لویه څارنوالۍ کی پرتی دي، نو په دی ملت رحم وکړه او په دوی د جدی اقدام کولو حکم صادر کړه.
وکیلان د هم باید په آرامه نه کښیني او لکه وزیر د داخله او وزیر د دفاع یی را کش کړل، نو داسی نور مقامات د هم محاسبی ته را کش کړی.
ملت د هم په آرامه نه کښینی او په خپلو وکیلانو د فشار راوړی چه بلاخره په دولت فشار راشی چه تر څو دغه مجرمین محاکمه شي. اخبارونه، انټرنیت پاڼی او تلویزیونی میډیا د هم په آرامه نه کښینی او د فساد پر ضد د مبارزی غږ د باید اوچت کړي او اوچت یی وساتي.
جناب کرزی صاحب، که بیا هم ناخبره یی نو یو ځل بیا دغه لیست چه د امریکی له سفارته په لاس راغلی ستاسی په وړاندی ږدم. او د افغانستان د ملت د صبر کاسه نوره ډکه شوی ده او له تاسی محترم جناب نه جدي اقدامات غواړي.