نږدې شپېته کاله وړاندې پاکستان هېواد رامنځته شو، داسې یو هېواد چې دولت یې تش په نوم اسلامي دی ، خو چارې ، قانون او نور هر څه یې غیر اسلامي یا انګرېزي دي .
د نورو دخوشالیو لپاره همېش هغه څه مخ ته بیایي ، د اسلام خو څه چې بشریت څخه هم لېرې دي .
دغه راز د خپلو اقتصادي منافعو او د غیراسلامي هېوادونو سره د اړیکو د لا پیاوړتیا په موخه یې د جمعې مبارکه ورځ چې د مسلمانانو د رخصت او عبادت ورځ شمېرل کیږي ، هغه یې رسمي ورځ وګرځوله او انګرېزان چې د یکشنبې ورځ رخصت لري ، له دوی سره یې په همدغه ورځ هوکړه وکړه .چې دا وخت په ټول پاکستان کې د جمعې په مبارکه ورځ رسمیات وي .تاسو فکر وکړئ، آیا دا مسلماني ده او یا هم په کې د مسلمانانو لږ شانته غیرت شته او کنه؟
دغه راز په ټولو اسلامي ملکو نو کې تګ راتګ د سنتو په چوکاټ کې په ښي لوري کیږي ، ولې په پاکستان کې د لومړئ ورځې نیولې ، تر ننه پورې انسانان ، موټر او نور ټول وسایل په چپ لاس تېریږي ، چې دا هم یوه د هغو بېلګو څخه ده ، چې دوی ته اسلامي احکام په هېڅ صورت ارزښت نه لري .یوازې هغه څه ته درناوی لري، کوم چې په انګرېزي قانون استوار وي او ناچیزه اقتصادي ګټه لر ي .
دا خو مې دوه بېلګې راوړې ، نور د دوی قوانین ، اصول او پالېسۍ ټولې د انګرېزانو په قانون راڅرخي او په دې افتخار کوي ، چې له انګرېزانو سره دومره ښې اړیکې لري، چې له امله یې هر څه سره یو شان دي .
راځو دې ته اوس مهال چې امریکایي ځواکونو د پاکستان په کور کې د ننه د القاعده شبکې مشر اسامه بن لادن وواژه .نو د یاد هېواد ځينو سیاسي او پوځي مشرانو اوتې بوتې پيل کړې .وایي ، چې امریکایي ځواکونو د پاکستان پرحریم تېری کړی ، باید اسامه په پاکستان کې د امریکایي ځواکونو له خوا نه وای په نښه شوی .حال دا چې دغه امریکایي ځواکونه له کالونو ، کالونو راهیسې د دوی په همدغه کورکې په هر ډول وسلو، مهماتو ، وسایطو او تجهیزاتو سمبال اوسیږي ، نن چې دوی ادعا کوي ، په حریم یې تېری شوی .زه نه پوهېږم دا څنګه تېری دی ، چې په خپله یې امریکا ته د پوځي مېشته کېدلو اجازه ورکړي ، د ترورېزم ضد جګړه کې یې هر رنګه موافقې لاسلیک کړي،د همدې له امله هر کال په ملیاردونو امریکايي ډالره امتیازات تر لاسه کوي .بې پیلوټه الوتکې د پاکستان د حکومت په موافقه په خپله د پاکستان له هوایي ډګرونو پورته کیږي او بیا په مشکوکو کسانو بریدونه کوي .خو کله چې امریکايي ځواکونه مستقیماً عملیات کوي ، د دوی له دوه مخي سیاست څخه د خجالت توره پرده پورته کیږي او پاکستان د رسوایۍ او بدنامۍ سره مخ کیږي ، نو د خپلو ولسونو ، سیاسي ګوندونو ، ګاونډیانو او نړیوالو سترګو ته خاورې ورشیندي ، وایي ، چې ځکه یې د بریدونو په اړه غندنه کوي ، چې د پاکستان پرحریم تېری کیږي . وایي یو سړی په اوښ سپور ؤ،بیا نو غلی ، غلی کېده ، چې څوک مې ونه ویني .پاکستان هم د اوښ سړي ته ورته کړنې کوي .
په 2001م کال کې د پاکستان واکمن پوځي ډېکټاټور پروېز مشرف دامریکا د وخت له چارواکو سره په دېرشو ثانیو کې د ټېلېفون په کرښه په ډاګه د طالبانو او القاعده شبکې په وړاندې د جګړې کولو ملګرتیا اعلان کړه .پوځي آډې یې ورکړې،د دوی له لارې نړیوال قوتونه افغانستان ته ننوتل ، د همدې لارې یې ټول قوت داخل کړ.
ډول ، ډول موافقې یې لاسلیک کړې ،چې په هغې کې د بې پيلوټه الوتکو بمبارۍ ، د پاکستان په خاوره کې نېغ په نېغه د عملیاتو کول،د امریکا استخباراتي شبکې ته په ډاګه د اجازې ورکول او نورې موافقې شاملې وې .
خو له بل طرفه یې په قبایلي سیمو کې وسلوالو جنګیالیو ته پټنځایونه ورکړل . د دوی لپاره یې هغه چاپېریال رامنځته کړ، له کوم څخه چې وسلوال جنګیالي تر ننه پورې په افغانستان کې د هغې له مخې عامه شتمنۍ ورانوي ، دولتي او نړیوال ځواکونه تربریدونو لاندې نیسي او حتا هره ورځ مظلوم افغان ولس په وینو لمبوي .
د تېرو 10 لسو کالونو راپدېخوا د لمر غوندې روښانه حقیقت دی ، چې د پاکستان دولت په ځانګړي توګه
آی اېس آی یعنې استخباراتي شبکه او پوځ له القاعده شبکې او طالبانو څخه بشپړ حمایت کوي . هغوی ته روزنه ، سلاح او په افغانستان کې د مطلوبو ځایونو آدرس په لاس ورکوي او دلته یې رالېږي ، ترڅو د افغان دولت مامورین ، عام وګړي یا هم عامه شتمنۍ په نښه کړي او له منځه یې یوسي .
د تېرې یوې لسیزې راهیسې د افغان دولت مشران نارې وهي ، چې د ترورېزم مرکزونه د افغانستان له پولې پورې دي .باید چې نړیوال ځواکونه په پاکستان لازم فشار راوړي او یاهم د ترورېزم نړیوال خطر ته په پام سره ناټو ځواکونه په خپله د پاکستان په شمالي وزیرستان کې په مالومو لویو روزنیزو مرکزونو بریدونه وکړي ، ترڅو په دې سره افغانستان او همداشان نړئ له ستونزو خلاصه شي .
که نړیوالې ټولنې په ځانګړي توګه د امریکامتحده ایالاتو حکومت په سیمه او نړئ کې د ترورېزم په نوم پيل کړي جګړه د خپلو ګټو په خاطر په کار لوېدلي لوبه نه وي او رښتیا هم غواړي ، چې افغانستان ، سیمه او نړئ د ترورېزم له خطر څخه په بشپړه توګه خلاصه کړي ، نو غواړم په لنډو ټکو کې یوڅو وړاندیزونه وکړم :
- پاکستان هېواد چې همېش یې د نورو په بربادیو کې خپلې خوشالۍ لاسته راوړي ، تل یې له دوه مخي تور سیاست څخه کار اخېستی . نوپه کار ده ، چې د حکومت سره یې هر ډول اړیکې د یوه قوي فشار سره سمې وځنډول شي ، ترڅو دې ته اړ شي ، چې د خپلو ګاونډیانو او نورې ټولې نړۍ سره صادقانه چلند وکړي .
- د پاکستان سره د امریکا دمتحده ایالاتو د حکومت له لوري باید په کېدونکو پوځي او مالي مرستو له سره جدي غور وشي او د پخوانیو شویو مرستو په هکله هم وپوښتل شي، چې چېرې او څنګه یې په مصرف رسولي دي .
- د پاکستان له حکومت په ځانګړي توګه له آی اېس آی څخه جدي وپوښتل شي ،چې څنګه یې تر دې وخته پورې د اسلام آباد ښار ته څېرمه د پوځي اکاډومیو ترڅنګ د القاعده شبکې مشر ژوند کاوه .په داسې حال کې چې هلته د اسامه په شاوخوا کې ټول د دولت لوړپوړي چارواکي مېشت دي او دغه راز د اسامه په استوګنځي باندې د پاکستان لوی بیرغ هم درېدلی وو، چې په دې کې هم یو رمز پروت دی .
- همداشان د لمر غوندې روښانه ده ، چې د جنګیالیو ټول مرکزونه په شمالي وزیرستان او کوېټه بلوچستان کې شتون لري .چې مشران یې په پېښاور ، پنجاب ،کراچۍ ، اېبېټ آباد او اسلام اباد کې د یاد هېواد د حکومت له خوا لوکس ژوند لري .چې له نېکه مرغه له ډېر وخت وروسته په ناټو سربېره په افغانستان کې د امریکا لوی سفیر جنرال ایکنبیري هم په رسمي کنفرانس کې تایېد کړه ، چې د ترورېزم ځالې له پولې هاخوا دي .نو هلته باید نېغ په نېغه ناټو ځواکونه عملیات ترسره کړي او ضمناً له پاکستان څخه په کلکه وغواړي ، چې د طالبانو مشران په لاس ورکړي او پرې نږدي ، چې نور ای اېس ای یادو مرکزونو اومشرانو ته رشد ورکړي او که چېرې نړیوال قوتونه دا نه شي منلی ، نو دوی دې مهرباني وکړي ، افغاني ځواکونه دې په هغو وسلو، مهماتو، تجهیزاتو او سایطو سمبال کړي ، چې یوه لسیزه مخکې یې ژمنه کړي وه . بیا دې وګوري چې تورمخی پنجابی دافغاني ځوانانو زور ته څنګه ټینګیږي ،پنجابی ګوره ،غیرت یې ګوره .خو بدبختانه اوس خو هغه خبره رامنځته شوي ده ، چې وایي : تشه لاسه ته مې دښمن یې .
د یوې داسې ورځې په هیله
ګواښ ځدراڼ
خوست / افغانستان
