درد او پرهارونه لکه شوخې جېنکۍ
رادې شي يادونه لکه شوخې جېنکۍ
زړه کې مې درياب،درياب سندرې دي ويدې
مه چيړه تارونه لکه شوخې جېنکۍ
څښلي مې شرابو کې د مينې افسانې
خيال کې مې سازونه لکه شوخې جېنکۍ
شته د يار په سترګو کې ديوان د شيرازي
داسې غزلونه لکه شوخې جېنکۍ
ښکل يې کړې ماشومې آئينې اوبه،اوبه
ګورم تصويرونه لکه شوخې جينکۍ
مه پرېږده طالبه د سندرو منارې
ښار او دا ګلونه لکه شوخې جېنکۍ
طالب منګل
