ګران افغانستان

نه فرهاديم،نه مجنــــون،نه ادم خان يم
نه يوسف،نه فتح خان،نه مومن خان يم
 
زه مين دچــــــــا په تورو سترګــو نه يم
خــــــو په خپل وطن مين يمه،افغان يم
 
دسرو شنډو ،تـــورو زلفــــــو عاشق نه يم
زه عاشق مې په خپل،ګران افغانستان يم
 
 
زمـــا ساه ده،زما زړه دئ،زماځـــان دی
زمــــاوياړ،زمــا ضمير،زماوجدان دی
 
دامې مينه،دا عزت،دا مــــــې غروردی
دامې عقل،دامې سوچ،دامې ارمان دی
 
لـــــــــه پلرو،نيکــــــو راپاتې،په ميراث ده
اوس مې برخه،دسپيڅلي ټينګ ايمان دی
 
خـــــــــړه خاوره ېې،لـــه زروښائسته ده
ګران وطن مې په دنيا،جنت نشان دی
 
داوطن دې خدايه تل ترتل  ژوندئ وي
دقــــيام دسترګوتور،  افغانستان دی
 
الحاج الهام الدين قيام