د روسيې
خبري اژانس ايتار تاس خبر ورکوي، چې پرون د روسيې د بهرنيو چارو وزير سرګي لاوروف
او د اېټاليې دفاع وزير (اېګنازيو لاروسا) د روسيې له لارې افغانستان ته د هوايي ترانزيت
يو تړون لاسليک کړ. د دغه تړون له مخې اېټاليا کولی شي د روسيې د هوا له لارې پوځي
تجهيزات ، پرسونل او نور اړين توکي افغانستان ته انتقال کړي. دغه تړون پرون اېټاليې
ته د ديمتري مېدوېدوف دسفر پر مهال لاسليک شو. د روم تړون اېټاليې ته اجازه ورکوي
چې د روسيې په فضا کې په اصطلاح له شمالي کوريدوريا دهلېز څخه کار واخلي. دغه دهلېز
له سلوانيا، کوروشيا، هنګري، اوکراين ، قزاقستان، ازبکستان او ترکمنستان څخه
تېريږي او داېټاليې لپاره د دوبۍ دلارې پروړاندې يو ښه بديل دی.
