له عراق
څخه د امريکايي ځواکونو ايستل به د امريکې جنګي بوديجه يو څه سپکه کړي ، خو په
افغانستان کې لاهم د جګړې لګښت د ورځې 300 ميليون ډالره دی. د پنتاګون د رپوټ له
مخې ، په 2012 کال کې به د افغانستان او عراق لپاره جنګي بوديجه 117.8 ميليادر ډالرو ته راولويږي ، چې دا بوديجه د 2011کال په پرتله 41.5 ميليارد ډالره کمه ده . په پورتنۍ بوديجه کې 10.6
ميليارد ډالره په عراق کې د 50 زره امريکايي پوځيانو لپاره تخصيص شوي او پاتې 107.3
ميليارد ډالره يې د افغانستان د جګړې لپاره بېل شوي دي. په تخصيص شوې بوديجه کې
يوازې 10.1 ميليارد ډالره له ماينونو سره د مبارزې لپاره ځانګړي شوي دي. که څه هم
باراک اوباما ويلي ، چې د روان کال په نيمايي کې به د امريکايي پوځيانو پر ايستلو
پيل کوي ، خو له تخصيص شوې بوديجې څخه ښکاري چې د پوځيانو په شمېر او د جګړې په
لګښتونو کې به چندان توپير رانه شي.
