پسرلیه د شتمنو پسرلیه
د سر زورو او واکمنو پسرلیه
نس مووږی، تن مولوڅ،چاودی پوندی
په نیستی کی ځمونږ شپه دی پسرلیه
ستا راتګ مونږ بی وزلو ته به څه وی
ځمونږ له حاله بی خبره پسرلیه
مونږ نه بڼ نه باغچه لرو د خپله
ستا رنګین ګلان به څه کړو پسر لیه
ناوی کونډی ،وربل سپین شو په غمونو
چیر ی وټومبوی ګل ستا پسرلیه
ستا کوربه ټول بډایان او تاړاکګر دی
نشته ستا احسان پر مونږه پسرلیه
مونږه پریږده چی د ( مل) سره وژاړو
خپه نشی ته له مونږه پسر لیه
جرمنی ۲۰-۱-۲۰۰۸
