.jpg)
د سوډان د پوځي حکومت د سیالو ډلو ترمنځ وسله واله نښته د ۲۰۲۳ کال د اپریل په ۱۵ مه پیل شوه. د جګړه پيل سره د سوډان په لویدیځ خرطوم ښار او دارفور سیمه کې نښتې وشوې. د اپریل تر ۲۵ نیټې پورې، لږ تر لږه ۵۵۹ کسان دغه جګړه وژل شوي او تر ۴۰۰۰ زیات نور ټپیان شوي دي.
د سوډان په پلازمینه خرطوم او د هیواد په ډیرو نورو برخو کې ژوند په ناڅاپي توګه ډیر خراب شوی دی او خلک د جګړې له امله کډوالۍ ته اړ شوي دي. دغه جګړه کې بهرني هېوادونه هم دننه شوي او خپلې ګټې په کې خوندي کوي.
جکړه د دوه ملګرو پوځي جنرالانو ترمنځ ده؛ عبدالفتاح البرهان، د سوډان د وسله والو ځواکونو (SAF) مشر، او محمد حمدان دګالو، چې د حمدتي په نوم پیژندل کیږي او د نیمه پوځي چټک ملاتړ ځواکونو (RSF) په نوم د وسله والو مشري کوي.
دوی دواړو (جنرال عبدالفتاح البرهان او جنرال محمد حمدان دګالو) په ۲۰۱۹ز کال کې د سوډان ولسمشر چې ۳۰ کاله په واک کې وو، عمر البشیر باندې په ګډه پوځي کودتا وکړه او هغه يې له واک لېرې کړ. له کودتا وروسته عبدالفتاح البرهان د سوډان واک په لاس کې درلود او دا چې دغه وضعيت د محمد حمدان دګالو په خوښه نه وو، نو پر وړاندې يې راپورته او پايله کې يې نن سوډان په يوې نوې کورنۍ جګړه ښکېل دی.
