د امريکا متحدو ايالتو د زړه ټولنې يا American Heart Association په يوې نوې څېړنه کې ويلي دي چې اوويا سلنه امريکايي ماشومان او نوي ځوانان د زړه په ناروغيو اخته او د زړه روغتيا يې کمزوري ده.
څېړنه ښيي چې ۵۶ سلنه هغه ماشومان چې عمرونه يې ۲- ۵ کالونو ترمنځ دي او ۱۴ سلنه هغه ماشومان چې عمرونه يې له ۶-۱۱ کالونو دي، د زړه روغتيا يې کمزورې ده. همدا ډول له ۱۱ کلنۍ بيا تر ۲۰ کلنۍ ځوانانو کې هم دغه ستونزه لوړه ده.
د شیکاګو این او رابرټ ایچ لوری د ماشومانو په روغتون کې د زړه متخصص او د شمال لویدیز پوهنتون فینبرګ ښوونځي د ماشومانو د ناروغیو معاون پروفیسور، امینډا مارما پیراک وايي چې ددغه ستونزو يو ستر لامل د خوراک ډول او غذايي رژيم دی.
د نوموړي ډاکټر او څېړونکي په وينا چې فزیکي فعالیت، د نیکوتین کارونه، د وینې لپیدونه، د وینې ګلوکوز، او د وینې فشار نور لاملونه دي چې امريکايي ماشومانو او ځوانان يې د زړه ناروغۍ پيدا کړې دي.
د يادونې ده چې د نړۍ غريبو هېوادونو کې ماشومان له لوږې او خوارځواکۍ په ناروغيو ککړ خو پرمختللو هېوادونو کې ډېر سهولتونه سبب شوي دي، چې روغتيايي وضعيت وننګوي.
