شیدې که مستې؛ کوم یو زیات کلسیم لري؟
کلسیم ھغه ضروري معدني عنصر دی چې وجود ورته د رنګارنګ فعالیتونو لپارہ اړتیا لري.
د بېلګې په توګه:
• د ھډوکو او غاښونو ودہ او غښتلوالی؛
• د زړه، شریانونو او مغز د رنځونو د مخنوي لپاره لکه - د وینې لوړ فشار، غوړ (کلیسترول) کنترولول؛
پدې بناء ډېرہ اړینه دہ چې باید ھغه خواړه زیات وخوړل شي کوم چې د کلسیم کچه لوړه لري. لبنیات د کلسیم اساسي توکي بلل کېږي چې ھرہ ورځ باید ورڅخه ګټه واخېستل شي. له ھمدې لبنیاتو څخه تر ټولو زیات کلسیم په شیدو او مستو کې شتون لري. اوس تل دا سوال کېږي چې ایا شیدې زیات کلسیم لري او که مستې؟
په ساده ژبه باید و وایم چې شیدې د مستو په پرتله زیات کلسیم لري:
سل ګرام شیدې ۱۲۵ ملي ګرام کلسیم لري او بيا سل ګرام مستې ۸۵ ملي ګرام کلسیم.
نو پر دې بنسټ شیدې د کلسیم په لرلو کې بډايه خواړه دي او له مستو څخه يې د کلسيمو کچه لوړه او ډېره ده.
که چیرته نورې روغتیايي ګټې يې په نظرکې ونیول شي نو بیا مستې د شیدو په پرتله د لکتوز ښه ځواب دی. لري؛ ھغه څوک چې له لکتوز سره حساسیت لري باید مستې وخوري. (د لکتوز حساسیت د نس درد، د کلمو اویښتل ، پیچش، اسھال دی.
•د شيدو په پرتله د مستو هضمېدل اسانه دی؛
•مستې د ھاضمې جھاز پاک او مینځلی ساتي؛
•مستې په معدہ او کلمو کې د میکروب د سرایت مخنیوی کوي.
