.jpg)
د کورنیو چارو سرپرست سراج الدین حقاني وایي چې د میرمنو حقوقو ته دې جدي پام وشي او هغه دودنه دې له منځه یوړل چې له امله یې میرمني له شرعي حقوقو څخه محرومیږي.
د کورنیو چارو وزارت ویاند عبدالنافع ټکور رسنیو ته په استولي پیغام کې ویلي چې د کورنیو چارو سرپرست خلیفه سراج الدین حقاني د خوست پکتیا او پکتیکا ولایتونو له سپین ږیرو او قومي مشرانو سره وکتل.
سرچینې لیکلي چې په لیدنه کې قومي مخورو حقاني سره د خپلو تجربو له مخې مشورې شریکې کړي، د خپلو سیمو یو شمير ستونزې او حل لارې یې واورولې او ډاډ یې ورکړ چې دوی به د ا.ا ملاتړ ته په هر ډول حالاتو کې ادامه ورکوي.
حقاني خلکو ته ویلی، ا.ا له هیچا د انتقام اراده نلري او له دوی یې وغوښتل چې هغو هیوادوالو ته بلنه ورکړي چې له افغانستان څخه وتلي دي.
هغهډاډ ورکړ چې دوی به د برق، مکاتبو، مدرسو او صحي مرکزونو اسانتاوې برابروي او هغوی ته یې توصیه وکړه چې دوی دې د امیرالمؤمنین د فرمان په تعقیب د میرمنو حقوقو ته جدي متوجه شي او هغه دودنه دې له منځه یوسي چې له امله یې میرمني له شرعي حقوقو څخه محرومیږي.
