- اوکرايين د ناټو غړی هېواد نه دی او پر همدې اساس امريکا او د لوېديځې نړۍ نور هېوادونه د روسيې پر وړاندې د اوکرايين جګړه په قانوني ډول نه شي درېدلی. اوکرايين ډېره هڅه کوله، چې د روسيې له بريد وړاندې د ناټو غړی هېواد شي، خو روسيې پرې نوبت وړاندې کړ.
- د اوکراين ولسمشر زیلینسکي پر ټولو خپلو اتباعو غږ کړی چې روسي ځواکونو سره جګړه او د خپل هېواد دفاع وکړي. نوموړي ويلي دي چې حکومت يې چمتو دی چې ټوولو هغه کسانو ته وسلې ورکړي، چې د روسيې پر وړاندې د جنګېدو هوډ لري.
- ولسمشر زیلینسکي له مسکو سره هر ډول ډېپلماټيکې او سياسي اړيکې پرې او پر وړاندې يې د پوځي درېدنې ويلي دي.
- د فنلنډ لومړي وزیر ويلي، چې هېواد يې چمتو دی، له اوکراینه کډوال ورشي او دوی ورته تياری نېولی.
- د جرمني لومړي وزير اولاف شولتز پر اوکراین د روسیې برید له نړیوالو قوانینو ښکاره سرغړونه بللې او د اوکراین پر وړاندې یې د ولسمشر پوتین پرېکړه په کلکو ټکو غندلې دي.
- د متحدو ايالتو ولسمشر جوبایډن د اوکراین له ولسمشر سره پر ټیلیفون خبرې کړې او ورته ويلي، چې پر هېواد يې د روسيې بريد غندي.
- شنونکي وايي چې پر اوکرايين د روسيې بريد د چين او روسيې ګده پالېسي ده او دې سره به چين وکولی شي، چې پر تايوان بريد وکړي او خپله برخه يې کړي.
- د سپینې ماڼۍ ویاند جین ساکي وویل چې د بایډن اداره د اوکرايين چارواکو سره په اړيکه کې دي او هڅه کوي، چې د اوکرايين انټرنيټي سېستمونه د روسيې له سايبري بريدونه وساتي.
- د نړۍ ګڼو هېوادونو له اوکرايين څخه د خپلو وګړو د بېړنۍ وتنې چارې پيل کړې دي.
- د اوکرايين چارواکو له امريکا او لوېديځ هېوادونو د مرستې غوښتنه کړې، خو تر اوسه يوازې د يادو هېوادونو له خوا پر اوکرايين د مسکو بريد غندلی شوی.
- د اوکرايين جګړې په تېزېدو سره د لیتوانیا ولسمشر ګیتاناس نوسیدا په خپل هیواد کې بشپړ بیړني حالت اعلان کړ.
- د بريتانيا لومړي وزير بوريس جانسن وايي، پر اوکراين د روسيې يرغل د اروپا لپاره يو "ناورين" دی او د ناټو سازمان د بيړنۍ غونډې جوړېدو غوښتنه يې کړې ده.
