مېټا کمپني چې اوس وخت کې فېسبوک، واټس آپ، انسټګرام او نور يې تر چتر لاندې کار کوي، پر خپلې وېب پاڼې ليکلي دي، چې په تېر ۱۸ کالونو کې د لومړي ځل لپاره د فېسبوک د فعالو کارونکو شمېر لوېدلی دی.
د تېر کال له وروستيو دوه مياشتو بيا تر جنوري د فېسبوک د فعالو کارنو شمېر ۱.۹۲۹ مېليارد ته تنو ته ښکته شوی، په داسې حال کې چې له دې وړاندې د فېسبوک د فعالو کارونکو يآ daily active users (DAUs) شمېر ۱.۹۳۰۰ ميلېارده تنه وو.
فېسبوک دا هم ويلي دي، چې په دې وروستيو درې مياشتو کې د ټېک ټاک او يوټيوب په پرتله له سوداګريزو لارو د دوی عوايد راکم شوي دي او د تېر په څېر ډېر سوداګريز اعلانونه پر فېسبوک نه بوسټ کېږي.
د مېټا کمپنۍ اجرائيوي رئيس په دې اړه رسنيو ته ويلي دي، چې دوی د غوره اغېز لپاره اقدامات کوي. مېټا له ګوګل وروسته نړۍ کې دويم تر ټولو ستر د ډیجیټل اعلاناتو پلیټ فارم دی.
