د پنځه اعشاريه درې درجې زلزلې له امله تېره ورځ بادغيس ولايت کې ۲۶ کسان مړه شوي، لسګونه ټپيان، تر زر کورونه او نورې ودانۍ نړېدلې دي. د الجزيرې راپور ښيي، چې د مرګ - ژوبلې شمېرې ښايي نور هم پورته شي او ژغورنکې ډلې د خاورو لاندې د بندو کسانو او جسدونو پر رااېستنې اخته دي.
زلزلې ډېر تلفات د بادغيس ولايت په قادس ولسوالۍ کې اړولي دي؛ له مرکز د ولسوالۍ لېرې والی او د سړکونو خربوالی سبب شوی چې ژغورونکې ډلې په ځنډ ورسيږي او دې سره د تلفاتو شمېرې لا پورته شوې دي. بادغيس کې ولايتي مسوولين وايي چې د مرګ - ژوبلې او مالي تلفاتو شمېرې ښايي نور هم پورته شي.
پر ټولينزو رسنيو خپاره شوي انځورونه ښيي، چې د ويجاړو شويو کورونو خلک د خاورو لاندې د ګرانه بيه څيزونو پلټنه کوي او راباسي يې. بادغيس ډېری کورونه يو پوړيز دي خټين دي؛ د کورونو د چتو د لوېدو له امله د مړو شمېر تر ۲۶ کسانو رسېدلی دی.
الجزيرې د امريکا متحدو ايالتو د جيولوجۍ ادارې د مالوماتو پر بنسټ ليکلي دي، چې د زلزلې مرکز د بادغيس ولايت مرکز کلا نو ښار وو، چې د ترکمنستان سرحد سره سل کيلو متره لېرې والی لري.
الجزيرې د راپور اړوند چې افغانان له وړاندې په لسګونه ناخوالو؛ بد اقتصادي وضعيت، بيکارۍ، وچکالۍ او اوس د ژمي يخ هوا سره لاس او ګريوان دي، چې وروستۍ زلزلې يې ستونزې او ناخوالې لا پسې ډېرې کړې دي.
