دا به مو تجربه کړي وي چې کله پياز ټوټه او ميده کوی نو سترګې اوښکې کوي. په عام ډول هم دا باور موجود دی چې دا ډېره ښه ده چې د پيازو له امله سترګې اوبه وکړي او اوښکې ورڅخه وبهيږي؛ دا د سترګو لپاره ګته لري او سترګې مېنځي. دې لېکنه کې يو شمېر هغه طبي ګټې در سره شريکو چې د پياز ټوټه کولو پر مهال يې سترګو ته رسيږي.
۱- پياز په ښه اندازه بي ويټامين لري. د بي ويتامين ګټه دا ده چې د سترګو له سوروالي مخه نيسي. هغه مهال چې پياز ميده کوی نو چې کله سترګې اوښکې وکړي، بيا د سترګو د سوروالي ناروغۍ باندې نه اخته کېږی.
۲- پياز له سي ويټامين هم غنی دی؛ کله چې د سي ويټامين سترګو ته ورسيږي نو سترګې له التهاب کېدو يا inflammation ساتي. ويټامين سي همدا ډول د سترګو عضلو د کمزوري کېدو مخه نيسي.
۳- پياز سلفر لري. سفلر هغه ماده ده چې سترګو ته په رسېدو سره په سترګو کې اوبه پيدا کيږي او له سترګو څخه د اوښکو بهېدو لامل کيږي. دې سره د سترګو د قرنیې برخه مېنځل کيږي.
۴- د پيازو اوبه د سترګې يوه ناروغي چې glaucoma نوميږي يانې د سترګې تور په کې اوبه کيږي مخنېوی کوي.
۵- وړاندې مو وويل چې پياز په خپل جوړښت کې سفلر لري او دغه سلفر د پيازو د ټوټه کېدو پر مهال سترګو ته رسيږي. د سفلر بیله ګټه سترګو لپاره دا ده چې د سترګې لنز lens ورسره غښتلی کيږي او له بد څېزونو دغه لنز په دې ډول ساتل کيږي چې د اوښکو په وسيله ومېنځل شي.
۵- پياز د phytochemicals په نوم يوه بله ماده هم لري چې د سترګو له التهاب مخه نيسي.
۶- د پيازو اوبو بله ګټه دا ده چې سترګې لمدې ساتي او سترګې له وچېدو ژغوري. د سترګو لمدوالی د سترګو يو ښه حالت دی.
