د روهي نيوز همکاره لېکوالان او ژباړن:  محمد طارق صابر

محمد طارق «صابر» له نن څخه پوره ۲۵ کاله مخکې، د وردګو ولایت، چک ولسوالۍ د شهبازخان په کلي کې نړۍ ته سترګې غړولې دي. پلار يې نظامي افسر و او دی يې له وړکتوب لیک، لوست او سپورټ ته هڅولو. کله به يې چې، پلار له دندې کور ته راستون شو، د کمکیانو، کلید مجلې او د کیسو کتابونه به یې ورته راوړل. صابر په سپورټي ډګر کې هم ګڼ فعالیتونه لري. 

درې کاله په کابل پوهنتون کې د تکواندو او ازادو سیالیو ترینر پاتې شوی دی. څه موده د باتوران دود و ارچری فدراسیون، د نشراتو امر او د ځوان ځواک ورزشي ټولنې مرستیال وو. بیا يې د افغانستان د پوهنتونو د ورزشي فدراسیون، د نشراتو د مشر او محصلان ورزشکار مهالنۍ مسوول مدیر په توګه دنده پيل کړه؛ له لنډې مودې وروسته د دې فدراسیون د فني مرستیال په توګه غوره شو. صابر د حقوقو او سیاسي علومو زدکړیال دی او له ورځپاڼې لیکلو سره خورا مینه لري. 

نوموړي د ورځپاڼې لیکلو نظري درسونه په انلاین بڼه په توانا پوهنتون کې لوستي دي. په لومړي ځل يې له هېواد دولتي ورځپاڼې سره قلمي همکاري پيل کړه او د دې ورځپاڼې د سپورټ نړۍ پاڼه يې پر مخ وړه. هغه دوه کتابونه (شبخون افغان-من هتلر را سوختاندم) تر اوسه ژباړلي او چاپ ته چمتو دي. صابر په پښتو او دري ژبو؛ سیاسي، ټولنیزې او ورزشي لیکنې کوي. د نوموړي ليکنې په وېبپاڼو او ورځپاڼو کې خپرېږي. هغه له روهي سره یو کلنه قلمي همکاري لري او په دې وېبپاڼه کې یې، لیکنې په دواړو ژبو خپرې شوې دي.



تبصرې

تبصرې نشته

خپله تبصره مو ولیکئ

تاسو دغه لیکنه شریکولی شئ!

د لیکوال نورې لیکنې
Loading...