په کراچۍ کې دعبدالستار ایدهي خیريه ټولنې دوه داسې ماشومان وموندل ،چې دغځولو په صندوق کې غورځول شوې و ددې خیریه ټولنې یو کارکونکې محمدسلیم ،چې دا ماشومان ېې لمبول وايي : دا دوو ورځو ماشومان دي ،چې په لوی لاس وژل شوې دي .
په پاکستان کې دنوو زیږیدلو ماشومانو مړینه داندېښنې ترکچې مخ په زیاتیدو ده په دې مسلمان ! هېواد ،چې دشرعي واده له چوکاټ بهرد اولاد زیږول ناوړه کار دی او دزنا سزا مرګ ده .
په 2010 ز کې دنوو زیږیدلو ماشومانو مړینه 1210 ته رسیدلې همدا شمېره بیا په 2009 ز کې 999 او په 2008 ز 890 وه البته دا شمېرې دعبدالستار ایدهي دخیریه ټولنې دي . دټولنې دراپور له مخې دډېرو وژل نوو زیږیدلو ماشومانو له یوه اونۍ نه دي اوښتي .
دعبدالستار ایدهي خیریه ټولنه وايي : د2010 ز په وروستۍ میاشت کې نږدې 40 ماشومان وموندل شوو ،چې میندو ېې دلویو لارو په واټونو کې غورځولې و .
دعبدالستار ایدهي موسسې داسې پوسټرونه په ګرده کراچۍ کې پر دېوالونو لګولې دي : مه ېې وژنې دلته ېې پریږدې . ټولنه زیاتوي : خلک له دې ماشومانو ځکه ځانونه خلاصوي ،چې دا ماشومان ناشرعي دي ، خو ددې کوچنیانو څه ګناه ده دا خو بې ګناه دي یوازې مینې ته اړتیا لري .
