روهي (پنځه نۍ/۱۱ د مرغومي)، د لومړی ځل لپاره د عربي متحده اماراتو حکومت د عیسوي کال لومړۍ ورځ چې د جنوري میاشتې لومړۍ نېټه کيږي په ټول هېواد کې عمومي رخصتي اعلان کړې ده.
د عربی متحده اماراتو حکومتي چارواکو ويلي دي چې په دې ورځ به ټول دولتي او د خصوصي سکتور کارمندان رخصت وي ترڅو خلک وکولی شي د عیسوی کال د لومړۍ ورځې جشن ولمانځي.
عربي متحده امارات له وړاندې د امريکا متحدو ايالتو او د لوېدېځې نړۍ له يو شمېر نورو هېوادونو سره نېږدې اړيکې پالي خو په دې وروستيو کې له اسرائيلو سره هم خپلې اړيکې عادي کړې.
