روهي (یوه نۍ/ ۷ د مرغومي)، هرات اتحاد فوټسال لوبډلې د صداقت لوبډلې ته په ماتې ورکولو سره په کابل کې د افغانستان فوټسال غوره لیګ سیالیو اتلوالي په خپل نوم کړه.
یادو سیالیو چې ۱۱ ورځې یې دوام وکړ د افغانستان د فوټبال فدراسیون ویاند فیروز مشعوف وايي چې په یادو سیالیو کې له کابل او ولایتونو څخه ١٠ لوبډلو ګډون کړی وو، چې په وروستۍ لوبه کې اتحاد لوبډلې ٥ د ٣ په وړاندې صداقت لوبډلې ته ماتې ورکړه او اتلوالي يې وګټله.
د افغانستان فوټسال غوره لیګ د اتلوالۍ خپلو وروسته اوس د هرات اتحاد لوبډله د اسیایي سیالیو د ګډون جواز هم ترلاسه کړ، چې ټاکل شوې راتلونکي میلادي کال ترسره شي.
ددې سیالیو په پای کې سید مهدي هاشمي د یادو سیالیو غوره ګل وهونکی،جواد حیدري غوره لوبغاړی او جواد صفري غوره ګل ساتونکی ونومول شول.
