روهي (پنځه نۍ/ ۱۳ د لیندۍ)، متحده ایالاتو په قطر کې د افغان حکومت او طالبانو ترمنځ په خبرو کې د وروستي پرمختګ هرکلی کړی.
د متحده ایالاتو د بهرنیو چارو وزیر مایک پمپیو ویلې، چې د دوی د حکومت او طالبانو ترمنخ د کړنلارې په سر د هوکړې هرکلی کوي.
د امریکا د بهرنیو چارو وزارت له لوري په همدې موخه په خپره شوې اعلامیه کې ویل شوې، چې امریکا په افغانستان کې د امنیت د ټينګښت لپاره د سولې خبرو کې د لا ډېر پرمختګ غوښتونکي ده او تمه یې ښودلې ترڅو ژر تر ژره دواړه غاړې د تاوتریخوالي په کمښت او دایمي اوربند هوکړه وکړي.
مایک پمپیو یو ځل بیا د خبرو د بریا لپاره د اوربند په ټینګیدو ټينګار کړی او له دواړه غاړو یې جګړې د پای ته رسیدو غوښتنه کړې، امریکا دې وړاندې هم په افغانستان کې په ځلونو د اوربند د ټينګیدو غوښتنه کړې وه او د خبرو د بریا لپاره یې دا اساسي شرط بللی و.
اخوا د کړنلارې په سر له هوکړې وروسته افغان حکومت هم ویلې چې چې د اجنډا په سر د بحث تر ټولو لومړی او اساسي غوښتنه به یې د اوربند ټینګیدل وي.
