.jpg)
روهي ( درې نۍ/ ۱۱ د لیندۍ)، د افغانستان او ایران د بهرنیو چارو وزیرانو تازه تلیفوني خبرې کړې دي.
د افغانستان د بهرنیو چارو وزیر حنیف اتمر د ایران د بهرنیو چارو له وزیر جواد ظریف سره د سیمې پر روان وضعیت تلیفوني خبرې کړې دي او جواد ظریف یو ځل بیا افغان لوري ته په افغانستان کې د سولې پروسې د ایران د ملاتړ او همکارۍ ډاډ ورکړی.
نوموړي دغه راز په افغانستان کې وروستی تاوتریخوالی هم د اندېښنې وړ بللی دی او او تمه یې ښودلې ترڅو په افغانستان کې نور د جنګ دوام ژر تر ژره د خبرو له لارې حل او جګړه پای ته ورسیږي.
د افغانستان د بهرنیو چارو وزیر حنیف اتمر له خپل ایراني سیال سره په دې تلیفوني خبرو کې د افغان سولې په اړه د ایران هڅې ستایلي او په دې برخه کې یې له ایران د لا ډېرو هڅو تمه ښودلې ده.