روهي (نۍ/۱۷ د لړم)، له هغه وروسته چې په هېواد کې د پاکستاني ویزو د وېش په سر ګڼ شکایتونه راپورته شول اوس د ولسمشرۍ ماڼۍ لومړی مرستیال امرالله صالح وایي هغه کسان یې پېژندلې چې له خلکو یې په لسګونه زره ډالر رشوت اخيستی.
نوموړی زیاتوي چې هغه کړۍ چې د پاکستاني ویزو په سر په بډو اخیستو تورن دي په ورځني ډول د وېزو له درکه له خلکو څخه نږدې سل زره ډالر تر لاسه کول.
نوموړي د یادو کسانو نومونه نه دي په ګوته کړې خو د پاکستان په سفارت یې غږ کړی چې ژر دې په ورځني توګه د ویزو د وېش شمېر معلوم کړي.
بلخوا په کابل کې د پاکستان امرالله صالح د وروستیو څرګندون په اړه تر دې دمه څه نه دي ويلې.
