روهي (څلورنۍ/۷ د لړم)، پوليسو هغه دوه غله ونېول چې د څو میاشتو په دننه کې یې له کابل ښاره تر دېرشو موټرونه غلا کړې وو.
د ولسمشر لومړي مرستيال امرالله صالح پر خپلې فېسبوک پاڼې لېکلي دي، چې د هغه دوه غلو د نېولو خبر ورته ورسېد چې د څو میاشتو په ترڅ کې یې له کابل ښاره ۳۰ موټر پټ او په ولايتونو کې یې خرڅ کړي وو.
د کابل امنيتي مسوولیت د خلکو له زیاتو وروسته د ولسمشر لومړي مرستيال امرالله صالح په غاړه واخېست او د جنایي مجرمينو پر وړاندې يې تېزې هڅې پيل کړې دي.
د کابل ښار په بېلا بېلو سيمو کې د لسګونه هغه کسانو انځورونه هم لګول شوي چې حرفوي او لوی جرمونه یې تر سره کړي دي.
