روهي ( څلور نۍ/ ۷ د لړم) وروستي تاوتریخوالي ته په اندېښنې پرون په افغانستان کې د یوناما مشرې دیبورا لیونز او د ولسمشرۍ ماڼۍ لومړي مرستیال امرالله صالح په لیدنه کې هوکړه وشوه، چې روانه جګړه او تاوتریخوالی باید پای ته ورسول شي.
د دوی په خبره چې دلته د هر افغان وژنه او ټپي کیدل غمیزه ده او په کلکه یې باید د مخنیوي هڅه وشي.
یوناما په خپل نهه میاشتني راپور کې چې پرون یې خپور کړی څرګندوي، چې د تېر کال په پرتله په افغانستان کې د روان ۲۰۲۰ کال په لومړیو نهو میاشتو کې ۳۰ سلنه د ولسي مرګ ژوبلې په برخه کې کموالی راغلی.
یوناما د ۲۰۲۰ کال د لومړيو نهو میاشتو په راپور کې ویلې، چې په همدې موده کې ۲۱۱۷ افغانان وژل شوي او ۳۷۲۲ نور ټپیان شوي دي.
