روهي (يوه نۍ/۴ د لړم)، د کليو بیارغونې او پراختیا وزارت د کلیوالي لار جوړولو ملي پروګرام له لوري په بادغیس کې ۱۹ پروژې چې په کې ۲۱۰ کیلومتره سړک او د ۶۰ متره پل جوړول شامل دي، چارې بشپړې شوې دي، په بدخشان کې ۶،۷ کیلومتره سړک ګتې اخېستنې ته سپارل شوی او په ننګرهار کې تازه د ۳،۲ کیلومتره سړک د جوړولو چارې پیل شوې.
د دې پروژو په مټ د ۱۰۰ زره خلکو لومړنیو خدمتونو ته لاسرسی اسان شو او په اسانۍ سره کولای شي، چې خپل کرنیز محصولات په وخت تر ښاره ورسوي. د دې ترڅنګ د دې پروژو په کاري بهیر کې به ۱۵۷ زره کاري ورځې د سېمې خلکو ته رامنځته شوې.
د یادونې وړ ده، چې دا یوازې د کليو بیارغونې او پراختیا وزارت د یو پروګرام ارقام دي، په یادو ولایتونو کې د کلیو بیارغونې او پراختیا وزارت د نورو پروګرامونو له لوري هم د ګڼو پرمختیایي پروژو چارې روانې دي.
