روهي ( څلور نۍ/ ۲۳ د تلې )، نن په بادغیس کې د پستې د پروسس فابریکه د یو شمېر سوداګرو او مشرانو په ګډون، د بادغیس والي حسام الدین شمس له لورې پرانیستل شوه.
دا فابریکه د ۱۵۷۵۰۰ امریکايي ډالرو لګښت جوړه شوې او په ۲۴ ساعتونو کې له ۷۲۰۰ – ۱۲۰۰۰ کیلوګرامه پستې د پروسس ظرفیت لري.
د بادغیس والي دا فابریکه په کورني او بهرني بازارونو کې د دې محصول د ښه بازارموندنې لپاره مهمه وبلله او د دې فابریکې په جوړولو کې یې د کرنې ریاست هڅې وستایلې.
