روهي ( پنځه نۍ/۱۰ د تلې)، د امریکا ولسمشریزو ټاکنو ته په نږدې کیدو دې هېواد د افغان سولې په برخه کې له هند د مرستې هیله کړې ده، د امریکا پالیسي جوړونکو، له هند غوښتې ترڅو په سیمه کې د افغان سولې په پروسه کې مهم رول ولوبوي.
د راپورونو پر بنسټ، د ټرمپ اداره غواړي ترڅو د ټاکنو په را نږدې کیدو سره له افغانستان د خپلو سرتېرو ایستلو ته د هند په څېر سیمه یزو هېوادونو په مرسته لار هواره کړي او په دې توګه په ټاکنو کې خپل دریځ لا پیاوړی کړي.
په راپور کې امریکا په افغانستان کې د هند مثبت رول ستایلی او د هندي سیاستوالو له خولې ویل شوې، هند په افغانستان کې تل د یو ښه رول لوبولو په لټه کې دی او تل د افغانستان بیارغونې ته ژمن دی.
<!--/data/user/0/com.samsung.android.app.notes/files/share/clipdata_201001_054936_566.sdoc-->
