لومړی وزیر عمران خان کابل ته راځي 



روهي (نۍ/۵ د تلې)، د پاکستان لومړی وزیر عمران خان په نېږدې وخت کې افغانستان ته د سفر ويلي دي. عمران خان افغانستان ته د خپل سفر په اړه تېره ورځ له ولسمشر محمد اشرف غنی سره غږېدلی دی. 

دواړه مشرانو تېره ورځ ټيلفوني خبرې کړې؛ ولسمشر غني لومړي وزير عمران خان ته د افغانستان د سفر بلنه ورکړې او عمران خان هم ژمنه کړې ده چې په نېږدې وخت کې به افغانستان ته لاړ شي. 

ولسمشرۍ ماڼۍ د ولسمشر غني له خوا عمران خان د د رسمی سفر د بلنې پخلی کړی دی او ویلي دي چې لومړی وزير عمران خان به په نېږدې وخت کې افغانستان ته راشي. 

په دې اړه د ارګ په خبرپاڼه کې ويل شوي دي، "د افغانستان د اسلامي جمهوريت جمهوررئيس محمد اشرف غني او د پاکستان لومړي وزير عمران خان نن د ټليفوني تماس له لارې د دواړو هيوادونو د اړيکو، سولې پروسې او په افغانستان کې د اوربند ټينګښت په اړه خبرې وکړې. 

په دې ټلیفوني مکالمه کې جمهور رئیس غني د اوربند په ټينګښت ټينګار وکړ او د پاکستان لومړي وزير ته يې افغانستان ته د رسمي سفر بلنه ورکړه."

د ولسمشرۍ ماڼۍ په خبرپاڼه کې دا هم ويلي دي شوي دي چې د پاکستان لومړي وزير عمران خان افغانستان کې د سولې بهير او اروبند ملاتړ کړی دی. 

د ولسمشر غني او لومړي وزير عمران خان ترمنځ په داسې مهال ټيلفوني اړيکه نېول شوې، چې دوحه کې د افغانانو ترمنځ خبرې روانې دي. 

 


تاسو دغه لیکنه شریکولی شئ!

د لیکوال نورې لیکنې
Loading...

تبصرې

تبصرې نشته

خپله تبصره مو ولیکئ