روهي (نۍ/۲۹ د وږي)، د هلمند ولايت د کرنې او مالدارۍ رياست وايي چې په دغه ولايت کې پر ۲۵۰ جرېبه ځمکه د خرما ونې کېنول شوې دي.
د ياد رياست په وينا چې بزګران له هر يو جريب ځمکې څخه په کلني ډول پنځه سوه زره افغانۍ عوايد يې لري چې ټول - ټال د کال ۱۲۵ مېلېونه افغانۍ کيږي.
د هلمند ولايت د کرنې رئيس زلمی الکو رسنيو ته ويلي دي چې د خرما ونې لوړ عوايد لري او په مقابل کې يې خرڅ کم دی او د خرما ونې کمو اوبو ته اړتيا لري.
د هلمند ځيني ځوانان هم له دغه کر - کيلې خوښ دي او زياتوي چې په دې سره لسګونه ځوانانو ته د کار زېمنه هم برابره شوې ده.
