روهي (يوه نۍ/۹ د وږي)، تېره ورځ افغان ولسمشر محمد اشرف غني د يو فرمان پر بنسټ د هېواد ۱۹ مطرحې سياسي څېرې د مصالحې عالي شورا مشرتابه پلاوي کې وټاکلې. عبدالله عبدالله د مصالحې عالي شورا مشر او اووه مرستيالان لري.
د مصالحې عالي شورا کې د پخواني ولسمشر حامد کرزي، رسول سياف، حکمتيار، يونس قانوني، محمد اسماعيل خان، کريم خليلي، محمد محقق، عبدالرشيد دوستم، صلاح الدين رباني او لسو نورو سياسي څېرو نوموه راغلې دي، خو د تېرو ټاکنو نوماند او د ملي پخواني رئيس رحمت الله نبيل نوم په کې نشته.
رحمت الله نبيل د ياد نوملړ په غبرګون کې ويلي دي چې ياد لېست کې ډېری د حکومت د خوښې کسان ځای پر ځای شوي دي او د ده د نشتون لامل دا دی چې د سولې خبرو کې يې غږ خپلواک وو.
د يادونې ده چې تر اوسه پخواني ولسمشر حامد کرزي، صلاح الدين رباني او ګلبدين حکميتار د عبدالله عبدالله په مشرۍ د مصالحې عالي شورا کې خپل غړېتوب ونه رد کړي دي.
