روهي (دوه نۍ/۳ د وږي)، د ترکيې په ( ګره سون) ولايت کې سختو سيلابونو د پنځو کسانو ژوند اخېستی دی. دغه ولايت تورې بحيرې سره په څنډو کې پروت دی.
د ترکيې حکومت ويلي دي چې د سيلابونو له امله پنځه کسان وژل شوي، يوولس ټپيان او يو شمېر نور تر اوسه ورک دي. دغه سيلابونو درانه مالي زيانونه هم رامنځ ته کړي دي.
د ترکیې د بشري مرستو ادارې ویلي چې سیلاب ځپلو سیمو ته یې د لټون او ژغورنې کار کوونکي لیږلي. دغې ادارې ویلي چې د ګره سون ولایت یوې ولسوالۍ ته ټولې غځیدلې لارې بندې شوي او دوي تر اوسه ورته عمله نده لیږلې.
