روهي (څلورنۍ/۲۹ د زمري)، نن سهار د کابل ښار پنځمې امنيتي حوزې اړوند سيمه کې چاودنه شوې، چې د پوهنې وزارت د علمي شورا رئيس میرعبدالباقي امین په کې وژل شوی.
پوهنې وزارت د يادې پېښې د تائيد ترڅنګ ويلي دي، چې یاده پېښه کې د میرعبدالباقي امین موټر چلونکی هم ټپي شوی دی.
همدا ډول نن سهار د کابل ښار احمد شاه بابا مېنه کې چاودنه شوې چې يو کس په کې وژل شوی او يو بل په کې ټپي شوی دی. تر اوسه د دغه چاودنو مسووليت چا نه دی منلی.
