روهي (دوه نۍ/۶ د زمري)، د امريکا متحدو ايلتو حکومت رسنيو ته منلې ده چې د ولسمشر ټرمپ د ملي امنيت سلاکار رابرټ اوبراین په کرونا ويروس ککړ شوی دی.
د رابرټ اوبراینروغتيايي وضعيت د ډاډ وړ بلل شوی دی او ويل شوي دي چې ناروغي يې شديده نه ده او جدي نښې - نښانې نه لري.
سپينې ماڼې ويلي دي چې که څه هم د ملي امنيت سلاکار له ولسمشر ټرمپ او مرستيال ولسمشر مايک پېنس سره نېږدې پاتې شوی خو د دوی د ککړېدو ويره نشته.
رابرټ اوبراین ۴۵ کلن دی او اوس مهال په خپل کور کې قرنطين شوی دی.
