روهي (جمعه/۲۷ د چنګاښ)، کابل پوليسو نن سهار د کابل ښار اوولسمې امنيتي حوزې اړوند سيمه کې درې وسله وال غله هغه مهال ونېول چې يو کرولا ډول موټر يې غلا کولو.
پوليسو له وړاندې د دوی په اړه خبر درلود او تر څار لاندې وو. د نېونې پر مهال يو غل ټپي شوی هم دی. د دغه درېيو وسله والو غلو نومونه حامد، کاظم او ملک ښوودل شوي دي.
کابل کې د وسله والو غلو او جنيايي پېښو ښاريان سرټکوي، خو کورنيو چارو وزارت وايي چې د جنايي پېښو پر وړاندې يې اقدامات تيز کړي دي.
