د پخواني ولسمشر بارک اوباما او مايکرو سافټ کمپنۍ د مشر بېل کېټس د ټوېټر حسابونه هک شوي دي 

روهي (پنځه نۍ/۲۶ د چنګاښ)، د امريکا متحدو ايالتو د پخواني ولسمشر د بارک اوباما او د مايکرو سافټ د کمپنۍ د بنسټګر بېل کېټس په شمول، امريکا کې د يو شمېر مشهورو سياسو څېرو د ټوېټر حسابونه هک شوي دي. 

د امریکا راتلونکو ولسمشرۍ ټاکنو نوماند جوبایډن، سندرغاړي کانیه وسټ، د ټسلا او سپېس اکس د بنسټګر ایلان ماسک، د امازون د بنسټګر جېف بیزوس ټوېټر حسابونه هم هک شوي او پکې د پیسو په تړاو پیغامونه خپاره شوي دي.

ټوېټر د نړۍ د يو شمېر مشهورو څېرو د ټوېټر حسابونو د هک تائيد کړی دی او ويلي دي چې دا د دوی لپاره د خواشينۍ وړ ده او تر ټولو بده ورځ ده. د ټوټېر بنسټګر او مشر جېک ډورسي وايي، "ټوېټر کې موږ ته تر ټولو بده ورځ. دې پېښه باندې موږ ټول خپه یو".

پر هک شوي ټوېټر حسابونو د بارک اوباما، بېل ګېټس او نورو سياسي څېرو له ادرسه دې پيسو د لېږولو پغامونه خپریږي او خلک غوښتل شوي چې که چېرې يو ډالر ورته ولېږل شي نو په بدل کې به يې دوی دوه ډالر ورکړي. 

د نورو سياسي څېرو پر ټوېټر حسابونو هم بېلا بيل سياسي او مالي پوسټونه کيږي او تر اوسه مېلېونه کسان پرې تېر اېستل شوي دي. 

 



تبصرې

تبصرې نشته

خپله تبصره مو ولیکئ

تاسو دغه لیکنه شریکولی شئ!

د لیکوال نورې لیکنې
Loading...